سونا مزید مہنگا؛ عالمی اور مقامی مارکیٹوں میں قیمتیں آج پھر بڑھ گئیں

سونا مزید مہنگا؛ عالمی اور مقامی مارکیٹوں میں قیمتیں آج پھر بڑھ گئیں

فی تولہ سونے کی قیمت میں 7 ہزار 900 روپے اضافہ

کراچی: ملک بھر میں سونے اور چاندی کی قیمتوں میں بڑا اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 7 ہزار 900 روپے اضافہ ہوا جس کے بعد سونا 5 لاکھ 23 ہزار 962 روپے فی تولہ پر پہنچ گیا۔

اسی طرح دس گرام سونے کی قیمت 6 ہزار 773 روپے بڑھ کر 4 لاکھ 49 ہزار 212 روپے ہوگئی۔

دوسری جانب عالمی صرافہ بازار میں سونے کی قیمت میں بھی نمایاں اضافہ دیکھا گیا، جہاں سونا 79 ڈالر بڑھ کر 5 ہزار 12 ڈالر فی اونس کی سطح تک جا پہنچا۔

علاوہ ازیں چاندی کی قیمت میں بھی اضافہ ریکارڈ کیا گیا، فی تولہ چاندی 358 روپے مہنگی ہو کر 8 ہزار 404 روپے پر پہنچ گئی۔