چین کے شمالی صوبے شانزی میں کوئلے کی کان میں گیس دھماکے کے نتیجے میں کم از کم 82 افراد ہلاک ہو گئے جب کہ متعدد کارکنوں کے لاپتہ ہونے کی اطلاعات بھی سامنے آئی ہیں۔
غیر ملکی میڈیا رپورٹس کے مطابق حادثہ کنیوان کاؤنٹی میں واقع لیوشینیو کوئلے کی کان میں پیش آیا جہاں دھماکے کے وقت مجموعی طور پر 247 مزدور زیر زمین کام کر رہے تھے۔
واقعے کے فوراً بعد امدادی اور ریسکیو ٹیمیں جائے حادثہ پر پہنچ گئیں اور زیر زمین پھنسے مزدوروں کو نکالنے کے لیے امدادی کارروائیاں شروع کر دی گئیں۔
حکام کے مطابق حادثے کی شدت اور نقصانات کا مکمل اندازہ لگانے کے لیے کارروائیاں جاری ہیں۔
چینی حکام نے واقعے کی تحقیقات بھی شروع کر دی ہیں تاکہ دھماکے کی وجوہات اور ممکنہ غفلت کا تعین کیا جا سکے۔