ایرانی صدر کا اسلام آباد امن مذاکرات پر اہم بیان سامنے آگیا
مذاکرات کا نتیجہ جو بھی ہو حکومت ہر حال میں اپنے عوام کے ساتھ کھڑی ہے، مسعود پزشکیان
-
ویب ڈیسک -
تہران: ایرانی صدر مسعود پزشکیان نے اسلام آباد میں جاری امن مذاکرات کے حوالے سے ایک اہم بیان جاری کردیا۔
ایرانی صدر نے سماجی رابطے کی سائٹ ’’ایکس‘‘ پر جاری بیان میں کہا کہ ایران کا مذاکراتی وفد قومی مفادات کا بھرپور دفاع کررہا ہے اور پوری بہادری اور جرات کے ساتھ مذاکرات کرے گا۔
هیأت ایرانی عالی رتبهای که در پاکستان حاضر شده با تمام وجود حافظ منافع ایران است و در همین راستا شجاعانه مذاکره خواهد کرد. در هر صورت خدمت ما به مردم لحظهای متوقف نمیشود و هر نتیجهای از مذاکرات حاصل شود دولت پای کار مردم است.
— Masoud Pezeshkian (@drpezeshkian) April 11, 2026
مسعود پزشکیان نے واضح کیا کہ ان کا وفد اسلام آباد مذاکرات میں ایرانی مفادات پر کوئی سمجھوتہ نہیں کرے گا۔
ان کا کہنا تھا کہ عوام کی خدمت کا مشن کسی صورت نہیں رکے گا اور مذاکرات کا نتیجہ جو بھی ہو حکومت ہر حال میں اپنے عوام کے ساتھ کھڑی ہے۔
انہوں نے پاکستان میں موجود اپنے مذاکراتی وفد کی مکمل حمایت کا بھی اعلان کیا اور کہا کہ وہ قوم کے وقار اور ملکی سلامتی کے تحفظ کے لیے پرعزم ہیں۔
واضح رہے کہ امریکا اور ایران کے درمیان امن مذاکرات اسلام آباد میں جاری ہیں جس میں پاکستان ثالث کا کردار ادا کررہا ہے۔
