ایران کا جنگ میں نیا مرحلہ شروع کرنے کا اعلان، دوگنی طاقت سے میزائل حملوں کی دھمکی
عالمی برادری کی نظریں اب آنے والے دنوں پر مرکوز ہیں کہ یہ نیا مرحلہ کس حد تک شدت اختیار کرتا ہے
-
ویب ڈیسک -
ایران کی پاسداران انقلاب کے کمانڈر برگیڈیئر جنرل سید مجید موسوی نے امریکا اور اسرائیل کے خلاف جنگ میں ایک نئے اور زیادہ خطرناک مرحلے کے آغاز کا اعلان کر دیا ہے۔
سماجی رابطوں پر جاری اپنے ویڈیو بیان میں انہوں نے کہا کہ اب جنگ کا نیا مرحلہ شروع ہو چکا ہے، جس میں فاتح میزائل اور خیبر شکن میزائل لانچرز کے ساتھ حملوں کی شدت دوگنی کر دی جائے گی۔
Brigadier General Seyed Majid Mousavi, commander of the IRGC Aerospace Force, posted a video and wrote: “And now, a new phase of war with freshly launched twin missile launchers of Fateh and Kheibar Shekan, all previous strikes × 2.” pic.twitter.com/cIFyrQuZ5K
— IRNA News Agency ☫ (@IrnaEnglish) April 7, 2026
انہوں نے دعویٰ کیا کہ آئندہ حملے ماضی کے تمام حملوں کے مقابلے میں دوگنا زیادہ طاقتور ہوں گے، جس سے خطے میں کشیدگی میں مزید اضافہ متوقع ہے۔
ماہرین کے مطابق ایران کی جانب سے اس اعلان کے بعد مشرق وسطیٰ میں صورتحال مزید سنگین ہو سکتی ہے، جبکہ عالمی برادری کی نظریں اب آنے والے دنوں پر مرکوز ہیں کہ یہ نیا مرحلہ کس حد تک شدت اختیار کرتا ہے۔