کراچی: نادرن بائی پاس کے قریب قائم افغان کیمپ کو مسمار کرنے کے لیے آپریشن دوسرے روز بھی جاری ہے۔ پولیس اور رینجرز کی نگرانی میں بھاری مشینری کی مدد سے خالی اور خستہ حال گھروں کو گرایا جا رہا ہے۔
پولیس حکام کے مطابق اب تک ساڑھے تین سو سے زائد گھروں کو مسمار کیا جا چکا ہے جبکہ اربوں روپے مالیت کی 200 ایکڑ سے زائد سرکاری زمین واگزار کرائی جائے گی۔
حکام کے مطابق موقع پر سندھ رینجرز، پولیس، ایم ڈی اے اور دیگر اداروں کے افسران موجود ہیں جبکہ کشیدہ صورتحال کو قابو میں رکھنے کے لیے اینٹی رائٹ فورس بھی تعینات ہے۔
ذرائع کا کہنا ہے کہ گھروں کی مسماری کے بعد خالی اراضی کو ایم ڈی اے کے حوالے کر دیا جائے گا۔