اسلام آباد: پاکستان نے ایک بار پھر بھارتی طیاروں پر اپنی فضائی حدود استعمال کرنے کی پابندی میں توسیع کردی ہے۔
ترجمان کے مطابق سول ایوی ایشن اتھارٹی کے مطابق یہ پابندی تمام بھارتی رجسٹرڈ ایئرلائنز اور آپریٹرز پر لاگو ہوگی۔
ترجمان کا کہنا ہے کہ اس فیصلے کے تحت بھارتی لیز پر حاصل کردہ طیارے بھی فضائی پابندی کی زد میں رہیں گے جب کہ بھارتی فوجی پروازیں بھی اس حکم نامے کا حصہ ہیں۔
یہ بھی پڑھیں: بھارتی ایئرلائنز کے لیے ایک اور جھٹکا
نئی مدت کے مطابق پابندی کا اطلاق 19 ستمبر دوپہر ایک بجے سے ہوچکا ہے اور یہ 24 اکتوبر صبح 4 بجکر 59 منٹ تک برقرار رہے گی۔
واضح رہے کہ اس سے قبل بھی پاکستان بھارتی طیاروں پر اپنی فضائی حدود استعمال کرنے پر مختلف اوقات میں پابندی عائد کرچکا ہے جو اب مزید ایک ماہ کے لیے بڑھا دی گئی ہے۔