کراچی میں گزشتہ روز سے طوفانی بارشوں کا سلسلہ وقفے وقفے سے جاری ہے، اور پانی کا چڑھاؤ بڑھ جانے کے باعث عوام مختلف مقامات پر پھنس گئی تھی۔
عوام کو ریسکیو کرنے کے لیے پاک فوج کی امدادی ٹیمیں فوراً متحرک کی گئیں اور ریسکیو آپریشن ایمرجنسی بنیادوں پر شروع کیا گیا، جس کے بعد پاک فوج کے جوان عوام کو ریسکیو کرنے میں مسلسل مصروف ہیں۔
یہ بھی پڑھیں: کراچی میں مزید کتنی بارش، سسٹم کمزور یا طاقتور؟ جانیے مکمل تفصیل
پاک فوج، پاکستان رینجرز سندھ اور دیگر لا انفورسمنٹ ایجینسیز سول انتظامیہ کے ہمراہ مختلف رہائشی علاقوں میں جمع ہونے والے پانی کی نکاسی یقینی بنا رہے ہیں۔
موٹر وے M9 اور صائمہ ، سعدی ٹاؤن میں پانی کے چڑھاؤ کے باعث پھنسے ہوئے شہریوں کو پاک فوج اور لا انفورسمنٹ ایجینسیز نے سول انتظامیہ کے ساتھ مل کر محفوظ مقامات پر منتقل کیا۔
ٹریفک کی بحالی کے لیے بھی فوجی دستے مختلف علاقوں میں عوام کی مدد میں مصروف ہیں، اس موقع پر متاثرین نے پاک فوج کے فلفور ریسکیو و ریلیف آپریشنز پر ان کا شکریہ ادا کیا۔
کراچی و گردونواح میں بارش کے تھمنے اور تمام افراد کو اس آزمائش سے نکلنے تک پاک فوج کی ریسکیو ٹیمیں عوام کے درمیان رہ کر ریسکیو کا عمل جاری رکھیں گے۔
