لاہور: یونیورسٹی آف انجینئری اینڈ ٹیکنالوجی (یو ای ٹی) انجینئرز نے اینٹی سموگ گن تیار کر لی۔
اینٹی اسموگ گن یو ای ٹی شعبہ مکینیکل، میکاٹرونکس اینڈ مینوفیکچرنگ انجینئرنگ نیو کیمپس کے طالبعلم نے تیار کی ہے، جس کی رینج 40 میٹر ہے، یہ گن دھول اور فضائی آلودگی کو کم کرنے کے لیے استعمال کی جائیگی۔
یہ جدید ڈسٹ سپریشن سسٹم تعمیراتی مقامات، پتھر توڑنے کے پلانٹس اور مائننگ کے دوران پیدا ہونے والے گرد و غبار کو کنٹرول کرے گا، جبکہ یہ گن فضائی آلودگی کم کرنے میں اہم کردار ادا کرے گی۔
یہ بھی پڑھیں: جب تک دونوں ممالک کام نہیں کریں گے اسموگ رہے گی، مریم اورنگزیب
یو ای ٹی کے وائس چانسلر پروفیسر ڈاکٹر شاہد منیر نے اس اہم کارنامے پر انجینئرز کو مبارکباد دیتے ہوئے کہا کہ یہ ایجاد ماحولیاتی آلودگی کے خاتمے میں ایک عملی قدم ہے، یو ای ٹی کو ایجادات کا حب بنائیں گے۔
انہوں نے کہا کہ پراجیکٹ سپروائزر انجینئرمعین سلطان، ڈین مکینیکل ڈاکٹر توصیف، کیمپس کوآرڈینیٹر ڈاکٹر شاہد عمران اور چیئرمین ڈاکٹر محمد فرحان کی کوششیں لائق تحسین ہیں۔
ڈاکٹر شاہد منیر نے مزید کہا کہ یو ای ٹی کے انجینیئرز نے ہمیشہ جدید تحقیق اور معاشرتی مسائل کے حل کے لیے عملی اقدامات کیے ہیں۔