مہنگا سونا مزید مہنگا، قیمت میں بڑا اضافہ ریکارڈ

کراچی: ملک میں آج سونے کی فی تولہ قیمت میں 2900 روپے کا اضافہ ریکارڈ کیا گیا ہے۔

سونے کی قیمت میں مسلسل تیسرے روز بھی اضافے کا سلسہ جاری ہے، ملک میں آج سونے کی فی تولہ قیمت میں 2900 روپے کا اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے  مطابق ملک بھر میں سونے کی فی تولہ قیمت 2900 روپے اضافے سے 3 لاکھ 62 ہزار200 روپے ہو گئی ہے۔

یہ بھی پڑھیں: سونے کی قیمت میں اضافے کا سلسلہ جاری

اس کے علاوہ دس گرام سونے کی قیمت 2487 روپے کے اضافے سے  3 لاکھ 10 ہزار 528 روپے ہو گئی۔

عالمی مارکیٹ میں فی اونس سونا 29 ڈالر بڑھ کر 3395 ڈالر پر جا پہنچا ہے۔