وزیراعلیٰ بلوچستان میر سرفراز بگٹی نے مر و خاتون کے بہیمانہ قتل کا نوٹس لیتے ہوئے ملزمان کی فوری گرفتاری کا حکم دے دیا ہے۔
کوئٹہ میں سوشل میڈیا پر مرد و خاتون کے بہیمانہ قتل کی ویڈیو وائرل ہونے پر وزیراعلیٰ بلوچستان میر سرفراز بگٹی نے سخت نوٹس لیتے ہوئے واقعے کی فوری تحقیقات اور ملوث ملزمان کی گرفتاری کا حکم دے دیا ہے۔
مزید پڑھیں: بلوچستان میں غیرت کے نام پر قتل کی ویڈیو وائرل، صارفین کی سخت تنقید
ترجمان بلوچستان حکومت شاہد رند کے مطابق، وزیراعلیٰ نے واضح کیا ہے کہ ایسی انسانیت سوز اور سفاکانہ حرکات ناقابل برداشت ہیں، اور کسی کو قانون ہاتھ میں لینے کی اجازت نہیں دی جا سکتی۔
ترجمان نے کہا کہ واقعے میں ملوث تمام افراد کو جلد انصاف کے کٹہرے میں لایا جائے گا۔