شوہر کے ساتھ اداکارہ نمرہ خان کی دیرینہ خواہش پوری ہوگئی

شوہر کے ساتھ اداکارہ نمرہ خان کی دیرینہ خواہش پوری ہوگئی

اداکارہ نے شوہر کے ساتھ عمرہ ادا کر کے سالگرہ کا دن یادگار بنا لیا

پاکستانی اداکارہ نمرہ خان کی دیرینہ خواہش پوری ہوگئی جب وہ اپنے شوہر کے ساتھ عمرہ ادا کرنے کی سعادت حاصل کر سکیں۔

اداکارہ نمرہ خان نے انسٹاگرام پر ایک ویڈیو شیئر کی جس میں انہیں شوہر کے ہمراہ عمرہ ادا کرتے دیکھا جا سکتا ہے۔

کیپشن میں انہوں نے بتایا کہ میری خواہش تھی کہ میں اپنی سالگرہ کا دن اس روحانی سفر کے ساتھ اپنے شوہر کے ہمراہ گزاروں۔

نمرہ خان نے لکھا کہ یہ لمحہ میرے لیے ایک خواب کی مانند ہے جو پورا ہونے کے بعد بھی غیر حقیقی محسوس ہو رہا ہے۔ شوہر نے میری سالگرہ اور عمرہ دونوں کو انتہائی یادگار بنا دیا۔

انہوں نے اپنے شوہر کے لیے خصوصی دعا بھی کی اور اللہ تعالیٰ سے ان کی خوشیوں، رزق میں برکت، حفاظت اور دنیا و آخرت کی بہتری کی دعا کی۔

اداکارہ کے مداحوں نے انہیں عمرہ کی سعادت حاصل کرنے پر مبارکباد دی اور ان کے لیے نیک خواہشات کا اظہار بھی کیا۔