وائرل ویڈیو؛ عیدالاضحیٰ پر جنت مرزا کا انداز صارفین کو کھٹکنے لگا
ٹک ٹاکر کی ویڈیو وائرل ہونے کے بعد سوشل میڈیا پر ملا جلا ردعمل دیکھنے میں آیا
-
ویب ڈیسک -
پاکستان کی معروف ٹک ٹاکر اور سوشل میڈیا اسٹار جنت مرزا ایک بار پھر سوشل میڈیا صارفین کی توجہ کا مرکز بن گئی ہیں اس بار ان کی عیدالاضحیٰ کے موقع پر شیئر کی گئی گوشت پیکنگ ویڈیو پر مختلف تبصرے سامنے آ رہے ہیں۔
جنت مرزا نے اپنی انسٹاگرام ریل میں قربانی کے گوشت کی پیکنگ کرتے ہوئے ویڈیو شیئر کی جس میں وہ گوشت کے ڈھیر کے درمیان بیٹھی مختلف تھیلوں میں گوشت تقسیم کرتی دکھائی دیں۔
ویڈیو وائرل ہونے کے بعد سوشل میڈیا پر ملا جلا ردعمل دیکھنے میں آیا۔ بعض صارفین نے اسے محض سوشل میڈیا توجہ حاصل کرنے کی کوشش قرار دیا جبکہ کچھ افراد نے صفائی اور حفظانِ صحت سے متعلق خدشات کا اظہار کیا۔
کئی صارفین نے ویڈیو میں جنت مرزا کے انداز پر تنقید کرتے ہوئے کہا کہ گوشت پیک کرتے ہوئے بالوں کو ہاتھ لگانا مناسب نہیں۔
ویڈیو میں دیکھا جا سکتا ہے کہ جنت مرزا گوشت پیکنگ کے دوران اپنے بال بھی سنوارتی ہیں جس پر بعض صارفین نے طنزیہ تبصرے بھی کیے۔
دوسری جانب کچھ مداحوں نے جنت مرزا کی ویڈیو کا دفاع کرتے ہوئے کہا کہ سوشل میڈیا پر غیر ضروری تنقید کا رجحان بڑھتا جا رہا ہے۔