ایران نے پاکستان کے ذریعے امریکا کو مذاکرات کیلیے نیا پیغام پہنچا دیا
مذاکرات کیلیے پیغام گزشتہ روز پہنچایا گیا جس کی تصدیق ایرانی سرکاری نیوز ایجنسی نے بھی کر دی ہے
-
ویب ڈیسک -
مشرقِ وسطیٰ کی کشیدہ صورتحال کے درمیان ایران نے امریکا کو ایک نیا اور اہم پیغام پاکستان کے ذریعے پہنچا دیا ہے، جس کے بعد خطے میں ممکنہ بڑی پیش رفت کی قیاس آرائیاں تیز ہو گئی ہیں۔
ایرانی سرکاری خبر رساں ادارے کے مطابق ایران نے گزشتہ روز اپنی نظرثانی شدہ مذاکراتی تجویز پاکستانی ثالثوں کے ذریعے امریکا کو ارسال کی۔ اس پیش رفت کو جاری کشیدگی میں ممکنہ بریک تھرو کے طور پر دیکھا جا رہا ہے۔
🚨🇮🇷🇵🇰🇺🇸Iran delivered on Thursday to the U.S. through the Pakistani mediators its response to the latest U.S. amendments on the agreement to end the war, a regional source tells me
— Barak Ravid (@BarakRavid) May 1, 2026
دوسری جانب امریکی خبر رساں ویب سائٹ کے رپورٹر بارک راوڈ نے بھی دعویٰ کیا ہے کہ ایران نے امریکی ترامیم کے جواب میں اپنی پوزیشن واضح کرتے ہوئے ردعمل پاکستانی چینل کے ذریعے واشنگٹن تک پہنچایا ہے۔
ایرانی وزارت خارجہ کے ترجمان اسماعیل بقائی کا کہنا ہے کہ تہران امریکا کے ساتھ مذاکرات میں پائیدار امن کا خواہاں ہے، تاہم ایران کے اعلیٰ علما اور قانون ساز یہ واضح کر چکے ہیں کہ جوہری پروگرام اور آبنائے ہرمز جیسے حساس معاملات اب مذاکرات کا حصہ نہیں رہے۔
تجزیہ کاروں کے مطابق پاکستان کا بطور ثالث سامنے آنا خطے میں اس کے بڑھتے سفارتی کردار کی نشاندہی کرتا ہے، جبکہ ایران اور امریکا کے درمیان یہ خفیہ پیغامات کسی بڑی ڈیل یا ممکنہ پیش رفت کا پیش خیمہ بھی ثابت ہو سکتے ہیں۔
