جنگ بندی مذاکرات سے قبل ہماری 2 شرائط پوری ہونا ابھی باقی ہیں، ایران
تاحال اس بیان کے حوالے سے امریکا کی جانب سے کوئی ردعمل سامنے نہیں آیا ہے
-
ویب ڈیسک -
ایران نے امریکا کے ساتھ کل ہونے والے اسلام آباد مذاکرات سے قبل اپنی دو شرائط پوری کرنے کا مطالبہ کر دیا ہے۔
واضح رہے کہ پاکستان کی ثالثی میں کل اسلام آباد میں ایران اور امریکا کے درمیان معاہدے کے لیے مذاکرات کیے جائیں گے، اس حوالے سے امریکی وفد نائب صدر جے ڈی وینس کی قیادت میں پاکستان کے لیے روانہ ہو چکا ہے۔
دوسری جانب ایرانی وفد بھی پاکستان پہنچنے والا ہے جس میں ایرانی پارلیمان کے اسپیکر محمد باقر قالیباف اور عباس عراقچی شامل ہیں۔
Two of the measures mutually agreed upon between the parties have yet to be implemented: a ceasefire in Lebanon and the release of Iran’s blocked assets prior to the commencement of negotiations.
These two matters must be fulfilled before negotiations begin.
— محمدباقر قالیباف | MB Ghalibaf (@mb_ghalibaf) April 10, 2026
ایران کے وفد کی سربراہی کرنے والے محمد باقر قالیباف نے سوشل میڈیا پر اپنے ایک بیان میں کہا ہے کہ فریقین کے درمیان طے پانے والے 2 شرائط پر تاحال عملدرآمد نہیں ہو سکا ہے۔
ان کا مزید کہنا تھا کہ ان دو شرائط میں لبنان پر اسرائیلی حملے فوری بند ہونے اور ایران کے منجمد اثاثے بحال کرنا شامل ہے، محمد باقر قالیباف کے مطابق یہ دونوں شرائط اسلام آباد مذاکرات شروع ہونے سے قبل پوری ہونا ضروری ہیں۔
عالمی خبر رساں ادارے کے مطابق مذاکرات سے چند گھنٹے قبل اس بیان نے ہلچل مچا دی ہے، کیونکہ یہ بیان براہ راست مذاکرات میں شامل فریق کے سربراہ کی جانب سے آیا ہے جو کہ غیر معمولی ہے۔
تاحال اس بیان کے حوالے سے امریکا کی جانب سے کوئی ردعمل سامنے نہیں آیا ہے۔
