مسٹر بیسٹ کا یوٹیوب چھوڑنے کا اعلان وائرل، اصل حقیقت کیا نکلی؟
مسٹر بیسٹ کا پرینک سوشل میڈیا پر خوب زیرِ بحث رہا
-
ویب ڈیسک -
دنیا کے معروف یوٹیوبر مسٹر بیسٹ نے یکم اپریل کو اپنے یوٹیوب چینل کو ڈیلیٹ کرنے کا اعلان کیا جس کے بعد سوشل میڈیا پر ہلچل مچا دی۔
مسٹر بیسٹ، جن کا اصل نام جمی ڈونلڈسن ہے، انہوں نے اپنے سوشل میڈیا پلیٹ فارم ایکس (سابقہ ٹوئٹر) پر ایک پوسٹ میں لکھا کہ وہ اپنا یوٹیوب چینل ڈیلیٹ کر رہے ہیں۔
مسٹر بیسٹ نے ایک ویڈیو بھی شیئر کی جس میں انہوں نے یوٹیوب سے وقفہ لینے کا عندیہ دیا جس کے بعد ان کے مداحوں میں تشویش کی لہر دوڑ گئی۔
I’m deleting my YouTube channel
— MrBeast (@MrBeast) April 1, 2026
27 سالہ یوٹیوبر کے 470 ملین سے زائد سبسکرائبرز ہیں اور وہ اپنے بڑے اسٹنٹس، چیلنجز اور فلاحی سرگرمیوں کی وجہ سے عالمی سطح پر شہرت رکھتے ہیں۔
ان کے اعلان کے بعد مختلف سوشل میڈیا پلیٹ فارمز پر صارفین نے حیرت اور بے یقینی کا اظہار کیا تاہم بعد میں واضح ہوا کہ یہ اعلان اپریل فول ڈے کے موقع پر کیا گیا ایک مذاق تھا۔
This Saturday 50 streamers compete for $1,000,000 (for their fans) drops! It’s the best video I’ve ever made I’m so freaken excited 😀 pic.twitter.com/pynsxWiVyb
— MrBeast (@MrBeast) March 31, 2026
مسٹر بیسٹ ماضی میں بھی اپریل فول کے موقع پر اس نوعیت کے مزاحیہ اور فرضی اعلانات کے ذریعے مداحوں کو حیران کرتے رہے ہیں۔
اگرچہ کئی مداحوں نے حقیقت سامنے آنے پر اطمینان کا اظہار کیا تاہم کچھ صارفین نے اس اقدام کو غیر ضروری قرار دیتے ہوئے کہا کہ اس سے لاکھوں مداحوں میں بلاوجہ تشویش پیدا ہوئی۔
اس کے باوجود مسٹر بیسٹ کا یہ پرینک سوشل میڈیا پر خوب زیرِ بحث رہا اور ٹرینڈ کرتا رہا۔