انگلینڈ کے بین ڈکٹ کا آئی پی ایل سے دستبرداری کا اعلان

انگلینڈ کے بین ڈکٹ کا آئی پی ایل سے دستبرداری کا اعلان

بین ڈکٹ نے اپنی عدم دستیابی سے فرنچائز کو آگاہ کردیا ہے۔

انگلینڈ کے تجربہ کار کرکٹر بین ڈکٹ نے انڈین پریمیئر لیگ (آئی پی ایل) سے دستبرداری کا اعلان کردیا ہے۔

انگلش کرکٹر کا آئی پی ایل میں دلی کیپیٹلز کے ساتھ معاہدہ ہوا تھا تاہم انہوں نے اپنی عدم دستیابی سے فرنچائز کو آگاہ کردیا ہے۔

بین ڈکٹ کا کہنا ہے کہ انہوں نے اپنا انگلینڈ کا کیریئر بچانے کے لیے یہ فیصلہ کیا ہے۔ یہ ایک مشکل فیصلہ تھا اور وہ ٹیم کے تمام ارکان سے معذرت خواہ ہیں کہ وہ اس سیزن میں ٹیم کا حصہ نہیں ہوں گے۔

انگلش بیٹر نے مزید کہا کہ انہوں نے اس فیصلے کے بارے میں کافی سوچ بچار کی ہے اور یہ ان کے کیریئر کے لیے بہترین فیصلہ ہے۔

آئی پی ایل سے دستبرداری کی وجہ سے بین ڈکٹ دو لاکھ پاؤنڈز سے محروم ہوجائیں گے۔ اس کے علاوہ وہ 2029 تک آئی پی ایل میں کھیلنے کے اہل نہیں ہوں گے۔

واضح رہے کہ بین ڈکٹ نے پاکستان کے خلاف حالیہ ون ڈے سیریز میں شاندار کارکردگی کا مظاہرہ کیا تھا۔