پی ایس ایل 11 کا شیڈول جاری، تمام میچز صرف لاہور اور کراچی میں ہوں گے
ایونٹ کا افتتاحی میچ حیدرآباد کنگز اور لاہور قلندرز کے درمیان کھیلا جائے گا
-
ویب ڈیسک -
پاکستان کرکٹ بورڈ نے پاکستان سپر لیگ کے 11ویں ایڈیشن کا باضابطہ شیڈول جاری کر دیا ہے، جس کے مطابق ایونٹ 26 مارچ سے شروع ہو کر 3 مئی تک جاری رہے گا۔
حکومتی کفایت شعاری پالیسی کے تحت اس بار ایونٹ کے وینیوز کو 6 سے کم کر کے صرف دو شہروں لاہور اور کراچی تک محدود کر دیا گیا ہے۔
ٹورنامنٹ کے دوران 39 دنوں میں مجموعی طور پر 44 میچز کھیلے جائیں گے، جن میں دونوں شہر 22،22 میچز کی میزبانی کریں گے۔
ایونٹ کا افتتاحی میچ حیدرآباد کنگز اور لاہور قلندرز کے درمیان کھیلا جائے گا، جبکہ کوالیفائر کراچی میں ہوگا۔ ایلیمنیٹر 1، ایلیمنیٹر 2 اور فائنل لاہور میں منعقد کیے جائیں گے۔
پی سی بی کے مطابق اس سال افتتاحی تقریب “واچ فرام ہوم” ماڈل کے تحت منعقد ہوگی، جبکہ براڈکاسٹ اور پروڈکشن میں جدید ٹیکنالوجی کے ذریعے شائقین کو بہتر ویونگ ایکسپیرینس فراہم کیا جائے گا۔
بورڈ کا کہنا ہے کہ یہ فیصلے وسائل کے مؤثر استعمال اور بڑے ہجوم سے بچاؤ کے لیے کیے گئے ہیں، تاہم اس کے باوجود پی ایس ایل 11 قومی ترجیحات کے مطابق اعلیٰ معیار کی کرکٹ کی فراہمی جاری رکھے گی۔