خام تیل کی قیمتوں میں مزید اضافہ، 85 ڈالر فی بیرل تک پہنچ گئیں
ایران کی جانب سے آبنائے ہرمز بند کیے جانے کے بعد دنیا بھر میں تیل کی سپلائی معطل ہوگئی ہے
-
ویب ڈیسک -
مشرق وسطیٰ میں جاری کشیدگی کے باعث عالمی مارکیٹ میں خام تیل کی قیمتیں بڑھنے کاسلسلہ جاری ہے اور برینٹ کروڈ کی قیمت 85 ڈالرفی بیرل تک پہنچ گئی۔
اسی طرح ڈبلیوٹی آئی کی قیمت بھی 81.70 ڈالرفی بیرل ہوگئی ہے۔
امریکی میڈیاکے مطابق جاپان، انڈونیشیا اور بھارت سمیت کئی ممالک ریفائنریز کی پیداوار میں کمی اور برآمدات عارضی طور پر معطل کر چکے ہیں
یہ بھی پڑھیں: پاک امریکی تجارتی معاہدہ؛ خام تیل کی درآمد کا آغاز ہوگیا
واضح رہے کہ ایران کی جانب سے آبنائے ہرمز بند کیے جانے کے بعد دنیا بھر میں تیل کی سپلائی معطل ہوگئی ہے اور اقوام متحدہ نے بھی عالمی توانائی کی سپلائی متاثر ہونے سے پیداہونےوالی صورتحال پر تشویش کا اظہار کیا ہے۔
دوسری جانب ماہرین نے خبردار کیا ہے کہ عالمی منڈی میں خام تیل کی قیمت 150 ڈالر فی بیرل تک پہنچ سکتی ہے۔