ٹی 20 ورلڈ کپ ، سپر 8 مرحلے کیلئے میچ آفیشلز کا اعلان
میچ ریفریز کے پینل میں رنجن مدوگالے، اینڈریو پائکرافٹ، رچی رچرڈسن اور جواگال سری ناتھ شامل ہیں
-
ویب ڈیسک -
ٹی ٹوئنٹی ورلڈکپ کے سپر 8 مرحلے سے پہلے انٹرنیشنل کرکٹ کونسل (آئی سی سی) نے اہم میچز کے لیے آفیشلز اور ریفریز کا اعلان کر دیا ہے۔
پاکستان کے میچز میں نیوزی لینڈ کے خلاف آن فیلڈ امپائرز کے طور پر روڈنی ٹکر اور پاؤل ریفل مقرر کیے گئے ہیں، جبکہ ٹی وی امپائر کی ذمہ داری اللہ دین پالی کر اور فورتھ امپائر کے فرائض سیم نوگاسکی انجام دیں گے۔
پاکستان بمقابلہ سری لنکا (کینڈی) میں روڈنی ٹکر اور نوگاسکی آن فیلڈ فرائض انجام دیں گے، جبکہ انگلینڈ کے خلاف میچ میں نیتن مینن امپائرنگ کریں گے۔
دیگر اہم میچز میں انگلینڈ بمقابلہ سری لنکا میں ایڈریان ہولڈ اسٹاک اور احسن رضا آن فیلڈ ہوں گے، سری لنکا بمقابلہ نیوزی لینڈ میں پالی کر اور آصف یعقوب، بھارت بمقابلہ جنوبی افریقہ میں رچرڈ کیٹلیبورو اور کرس گیفانی جبکہ بھارت بمقابلہ ویسٹ انڈیز (کولکتہ) میں گیفنی اور الیکس وارف ذمہ داریاں نبھائیں گے۔
زمبابوے بمقابلہ ویسٹ انڈیز (ممبئی) میں رچرڈ ایلنگ ورتھ اور جے ارامن مدناگوپال میچ کی نگرانی کریں گے۔
میچ ریفریز کے پینل میں رنجن مدوگالے، اینڈریو پائکرافٹ، رچی رچرڈسن اور جواگال سری ناتھ شامل ہیں، جو سپر 8 کے تمام میچز میں فیصلوں کی نگرانی کریں گے۔
اس اعلان کے بعد ٹی ٹوئنٹی ورلڈکپ کے ناظرین کو ایک مرتبہ پھر واضح ہو گیا ہے کہ سپر 8 کے مرحلے میں کھیل کی نگرانی عالمی معیار کے آفیشلز اور تجربہ کار ریفریز کے ہاتھ میں ہوگی، جو ہر میچ میں شفاف اور عادلانہ فیصلے یقینی بنائیں گے۔
