’’میرے رشکِ قمر‘‘ تاجک انداز میں؛ مداح جھوم اٹھے
تاجک گلوکارہ نے ’’میرے رشکِ قمر‘‘ گا کر مداحوں کے دل جیت لیے
-
ویب ڈیسک -
محکمہ اطلاعات و ثقافت پنجاب کے زیرِ اہتمام لاہور میں منعقدہ پاکستان-تاجکستان ثقافتی میلے میں تاجک گلوکارہ کی شاندار پرفارمنس نے حاضرین کو حیران کر دیا، جب انہوں نے معروف پاکستانی گانا ’’میرے رشکِ قمر‘‘ پیش کیا۔
ثقافتی میلے کے دوران پاکستان اور تاجکستان سے تعلق رکھنے والے مختلف فنکاروں نے اپنے فن کا مظاہرہ کیا جبکہ تقریب میں 75 رکنی تاجک وفد نے بھی شرکت کی۔
حاضرین نے قوالی کی دلکش دھنوں اور ڈھول کی تھاپ پر پیش کیے گئے روایتی رقص کو خوب سراہا۔
تاجک گلوکارہ نے گایا۔۔۔ میرے رشک قمر گانا
پاک تاجک کلچرل فیسٹیول۔۔۔!
ایونٹ کا مكمل احوال دیکھیے حکومت پنجاب کے آفیشل یوٹیوب چینل پر 👇🏻https://t.co/ND2CTU3mrB pic.twitter.com/J91UDbwElp— Government of Punjab (@GovtofPunjabPK) December 24, 2025
اس موقع پر وزیر اطلاعات پنجاب عظمیٰ بخاری نے کہا کہ ایسے ثقافتی میلوں کے انعقاد سے دونوں ممالک کے درمیان دوطرفہ تعلقات مزید مضبوط ہوتے ہیں۔
ان کا کہنا تھا کہ ثقافتی روابط کے فروغ سے پاکستان اور تاجکستان کے مابین تجارتی سرگرمیوں میں اضافہ ہوگا، جو قومی معیشت پر مثبت اثرات مرتب کرے گا۔