اردن: اسرائیل نے پاکستان کے سابق سینیٹر مشتاق احمد کو رہا کردیا ہے، جس کے بعد وہ اپنے ساتھیوں کے ہمراہ اردن پہنچ گئے ہیں۔
عالمی میڈیا کے مطابق پاکستان کے سابق سینیٹر مشتاق احمد تشدد زدہ فیملی ارکان اور دیگر 150 ساتھیوں کے ہمراہ اردن پہنچ گئے ہیں، جہاں انہوں نے اپنی رہائی اور حالیہ تجربات کے حوالے سے اظہارِ خیال بھی کیا ہے۔
Ex Senator Mushtaq Ahmad Khan released from Israeli detention. He reached Jordan. He said he faced torture from Israeli forces and as a protest he announced hunger strike in the prison. Israeli forces used dogs to bite him and denied all medical facilities. #GlobalSumudFlottila pic.twitter.com/7ZBbtSHS7G
— Hamid Mir حامد میر (@HamidMirPAK) October 7, 2025
مشتاق احمد نے بتایا کہ انہیں اور ان کے ہمراہ افراد کو اسرائیل کی جیل میں 5 تا 6 دن تک رکھا گیا تھا، بعد ازاں انہیں رہا کر دیا گیا۔ رہائی کے بعد انہوں نے دعویٰ کیا کہ اسرائیلی حکام نے دورانِ حراست ان کے ساتھ بدترین تشدد کیا۔
سابق سینیٹر نے تاکید کی کہ وہ اور ان کے ہمراہ افراد اس ناکہ بندی کو توڑنے کی کوشش جاری رکھیں گے اور غزہ کی صورتحال پر آواز بلند کرتے رہیں گے۔ انہوں نے کہا کہ مزاحمت جاری رہے گی اور جب پاکستان پہنچیں گے تو تفصیلات قوم کے سامنے پیش کریں گے۔
مشتاق احمد نے مزید کہا کہ ان کی جدوجہد غزہ کی آزادی تک جاری رہے گی اور وہ بین الاقوامی فورمز پر بھی اس معاملے کو اجاگر کرتے رہیں گے۔ انھوں نے پاکستانی حکومت اور عوام سے یکجہتی اور بہتر سفارتی حمایت کی اپیل بھی کی۔