شاہد آفریدی کا مودی کو کرارا جواب؛ کھیل میں سیاست لانے پر بھارتی طیاروں کی تباہی یاد دلادی

کراچی: قومی کرکٹ ٹیم کے سابق کپتان شاہد آفریدی نے کھیل میں سیاست کو گھسیٹنے پر بھارتی وزیراعظم نریندر مودی کو دوٹوک جواب دیتے ہوئے پاک فضائیہ کے ہاتھوں بھارتی طیاروں کی تباہی کا حوالہ دے دیا۔

گزشتہ روز ایشیا کپ میں بھارت کی فتح پر نریندر مودی نے سماجی رابطے کی سائٹ ’’ایکس‘‘ پر نہ صرف اپنی ٹیم کو مبارک باد دی بلکہ اسے ’’آپریشن سندور‘‘ سے جوڑنے کی کوشش بھی کی۔

مودی کے سیاسی انداز پر ردعمل دیتے ہوئے شاہد آفریدی نے کہا کہ پاکستان نے ہمیشہ کھیل کو کھیل ہی سمجھا ہے اور اسپورٹس مین شپ کو مقدم رکھا ہے لیکن دنیا نے دیکھ لیا کہ جب جنگ کا اصل امتحان ہوا تو نتیجہ 0-7 کے واضح اسکور کی صورت میں آیا۔

 

Here’s the real difference . We have always played with pure sportsmanship, keeping war out of the game. But the world saw it when war hit the scoreboard read 7-0 . #Big_office_small_man https://t.co/LGxCf8Tz8R

— Shahid Afridi (@SAfridiOfficial) September 29, 2025

شاہد آفریدی کے اس بیان کے بعد بھارت میں بھی مودی کے رویے پر تنقید کا سلسلہ شروع ہوگیا ہے۔ اپوزیشن جماعت کانگریس نے وزیراعظم کے مؤقف کو ناقابل قبول قرار دیتے ہوئے کہا کہ کھیل کو جنگی پروپیگنڈے سے جوڑنا افسوس ناک ہے۔

کانگریس رہنما اتل پٹیل نے شدید تنقید کرتے ہوئے کہا کہ کھیل میدان تک محدود رہنا چاہیے، اسے جنگی بیانیے یا سیاسی مقاصد کے لیے استعمال کرنا درست نہیں۔

انہوں نے سوال اٹھایا کہ کیا مودی کو خارجہ پالیسی اور سفارت کاری کی نزاکتوں کا ادراک بھی ہے یا نہیں؟