ملک بھر میں سونے کی قیمت تاریخ کی بلند ترین سطح پر پہنچ گئی، فی تولہ سونا 4 لاکھ روپے کا ہوگیا۔
صرافہ مارکیٹ کے مطابق فی تولہ سونا 5 ہزار 900 روپے اضافے کے بعد 4 لاکھ 3 ہزار 600 روپے کا ہوگیا۔
دس گرام سونا بھی 5 ہزار 58 روپے مہنگا ہو کر 3 لاکھ 46 ہزار 21 روپے کا ہوگیا۔
اس کے علاوہ عالمی مارکیٹ میں بھی سونے کی قیمت 59 ڈالر بڑھ کر 3 ہزار 818 ڈالر فی اونس ریکارڈ کی گئی۔
چاندی کی فی تولہ قیمت میں بھی 88 روپے اضافہ ہوا، جس کے بعد نئی قیمت 4 ہزار 792 روپے ہو گئی۔