سونے کی قیمت میں کمی: پاکستان اور عالمی مارکیٹ میں بڑی گراوٹ ریکارڈ

ملک بھر میں آج ایک بار پھر سونے کی قیمت میں کمی ریکارڈ کی گئی ہے جس نے نہ صرف سرمایہ کاروں بلکہ جیولری مارکیٹ کو بھی حیران کر دیا ہے۔

آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 2400 روپے کمی ہوئی ہے، جس کے بعد نئی قیمت 3 لاکھ 88 ہزار 600 روپے مقرر کی گئی۔

اسی طرح دس گرام سونے کی قیمت میں 2058 روپے کمی کے بعد نئی قیمت 3 لاکھ 33 ہزار 161 روپے ہوگئی ہے۔

عالمی صرافہ بازار میں بھی سونا سستا ہوا ہے، جہاں قیمت 24 ڈالرز کمی کے ساتھ 3668 ڈالر فی اونس ریکارڈ کی گئی۔