لاہور: پاکستان کرکٹ بورڈ ( پی سی بی) نے فیصلہ کیا ہے کہ اگر میچ ریفری اینڈی پائی کرافٹ کو تبدیل نہ کیا گیا تو پاکستان ایشیا کپ کے مزید میچز نہیں کھیلے گا۔
ذرائع کے مطابق پاکستان کرکٹ بورڈ نے واضح مؤقف اختیار کرتے ہوئے فیصلہ کیا ہے کہ میچ ریفری کی تبدیلی تک پاکستان ایشیا کپ کے مزید میچز میں شرکت نہیں کرے گا۔
The PCB has lodged a complaint with the ICC regarding violations by the Match Referee of the ICC Code of Conduct and the MCC Laws pertaining to the Spirit of Cricket. The PCB has demanded an immediate removal of the Match Referee from the Asia Cup.
— Mohsin Naqvi (@MohsinnaqviC42) September 15, 2025
چیئرمین پی سی بی محسن نقوی نے آئی سی سی اور ایشین کرکٹ کونسل سے موجودہ میچ ریفری کو تبدیل کرنے کا باضابطہ مطالبہ کیا ہے۔
چیئرمین پی سی بی محسن نقوی نے ایکس پر بیان دیتے ہوئے کہا ہے کہ میرے لیے اپنے ملک کی عزت اور وقار سے بڑھ کر کوئی چیز اہم نہیں ہے۔
There is nothing more important to me than the honor and prestige of my country
— Mohsin Naqvi (@MohsinnaqviC42) September 15, 2025
پاکستان کا ایشیا کپ میں اگلا میچ 17 ستمبر کو دبئی میں متحدہ عرب امارات کے خلاف شیڈول ہے، تاہم اس میچ میں شرکت ریفری کی تبدیلی کے فیصلے سے مشروط کر دی گئی ہے۔
ادھر پاکستان کرکٹ بورڈ نے ڈائریکٹر عثمان واہلہ کو ریفری کے معاملے پر بروقت ایکشن نہ لینے اور آئی سی سی کو تاخیر سے خط لکھنے پر عہدے سے برطرف کر دیا ہے۔