ترکیہ سے تعلقات مزید مضبوط کرنا چاہتے ہیں ، شہبازشریف ، ترک وزیردفاع سے ملاقات

ترکیہ سے  تعلقات مزید مضبوط کرنا چاہتے ہیں ۔ شہبازشریف نے ترک وزیر دفاع یاسر گلر سے ملاقات میں  باہمی تعلقات کو وسعت دینے کی ضرورت پرزوردیا۔

ترک  وزیر دفاع یاسر گلر نے   وزیراعظم محمد شہباز شریف سے ملاقات کی۔ شہباز شرہف مئ ترک وزیر دفاع اور ان کے وفد کے ارکان کا پرتپاک خیرمقدم کیا۔

اس موقع پر انہوں نے پاکستان اور ترکیہ کے درمیان تاریخی اور برادرانہ تعلقات کا ذکر کیا۔ انہوں نے دوطرفہ تعلقات کے مثبت رخ پر اطمینان کا اظہار کیا۔

شہبازشریف نے متواتر روابط کے ذریعے پاک ترک تعلقات کو مزید مضبوط بنانے کے لیے پاکستان کے عزم کا اعادہ کیا۔

انہوں نے دو طرفہ تجارت میں 5 بلین امریکی ڈالرکے ہدف کے حصول کے لیے کام کرنے کی ضرورت پر زور دیا۔

شہبازشریف نے ترک کمپنیوں کو پاکستان میں اپنی سرمایہ کاری کا دائرہ بڑھانے کی دعوت بھی دی۔

دونوں اطراف نے ایک دوسرے کے بنیادی قومی مفادات کے لیے اپنی مضبوط اور مستقل حمایت کا اعادہ کیاگیا۔

پاکستان اور ترکیہ کے درمیان اسٹریٹجک شراکت داری کو مزید بہتر کرنے کے لیے مل کر کام جاری رکھنے پر اتفاق کیا۔

ملاقات کے بعدترک وزیر دفاع اور پاک ترک مشترکہ وزارتی کمیشن کے اراکین کے اعزاز میں عشائیہ بھی دیا گیا۔