منفرد عینک نے ہانیہ عامر کو ٹرولنگ کا نشانہ بنا دیا
اداکارہ کی ویڈیوز وائرل ہونے کے بعد مختلف صارفین نے ان کے لُک پر طنز و مزاح سے بھرپور تبصرے کیے
-
ویب ڈیسک -
پاکستانی سپر اسٹار اداکارہ ہانیہ عامر ایک بار پھر اپنے منفرد فیشن انتخاب کے باعث سوشل میڈیا پر توجہ کا مرکز بن گئی ہیں تاہم اس بار انہیں مداحوں کی جانب سے ملا جلا ردعمل مل رہا ہے۔
حال ہی میں ایک آٹو موبائل ایونٹ میں شرکت کے دوران ہانیہ عامر نے مہندی گرین رنگ کا فرشی شلوار قمیض پہنا جس کے ساتھ دوپٹہ اور قدرتی ویوی ہیئر اسٹائل ان کی شخصیت کا حصہ تھا تاہم ان کے انداز میں سب سے زیادہ توجہ مستطیل شکل کی عینک نے حاصل کی جس پر سوشل میڈیا صارفین نے دلچسپ تبصرے کیے۔
اداکارہ کی تصاویر اور ویڈیوز وائرل ہونے کے بعد مختلف صارفین نے ان کے لُک پر طنز و مزاح سے بھرپور تبصرے کیے۔
کسی نے انہیں ریٹائرڈ ٹیچر سے تشبیہ دی تو کسی نے کہا کہ پہلی بار ہانیہ عامر کا انداز متاثر کن نہیں لگا۔
بعض صارفین نے ان کے لباس اور انداز کو روایتی دلہن یا بہو جیسا قرار دیا جبکہ کچھ نے مزاحیہ انداز میں ان کا موازنہ مختلف معروف شخصیات سے بھی کیا۔
سوشل میڈیا پر تنقید کے باوجود کئی مداحوں نے ہانیہ عامر کے اعتماد اور منفرد فیشن سینس کی تعریف بھی کی اور کہا کہ وہ ہر انداز کو اپنے منفرد اسٹائل سے اپنانا جانتی ہیں۔
