پراونشل رین اینڈ فلڈ ایمرجنسی مانیٹرنگ سیل نے مختلف دریاؤں اور بیراجوں میں پانی کی آمد و اخراج کے تازہ اعداد و شمار جاری کردیے ہیں۔
محکمہ اطلاعات سندھ کے مطابق گڈو بیراج پر اپ اسٹریم میں پانی کی آمد 359570 کیوسک جبکہ ڈاؤن اسٹریم میں پانی کا اخراج 327481 کیوسک ریکارڈ کیا گیا ہے۔
سکھر بیراج پر اپ اسٹریم میں پانی کی آمد 331155 کیوسک جبکہ ڈاؤن اسٹریم میں پانی کا اخراج 277355 کیوسک ریکارڈ ہوا۔
یہ بھی پڑھیں: دریائے سندھ میں اونچے درجے کا سیلاب، حفاظتی بند مضبوط بنانے کا عمل تیز
کوٹری بیراج پر اپ اسٹریم میں اضافے کے بعد پانی کی آمد 238686 کیوسک اور ڈاؤن اسٹریم میں اخراج 209431 کیوسک ریکارڈ کیا گیا ہے۔
تریموں پر آمد و اخراج میں اضافہ اس وقت پانی 331695 کیوسک ریکارڈ کیا گیا ہے۔
اسی طرح پنجند اپ اسٹریم میں میں بھی اضافہ، پانی کی آمد و اخراج 310479 کیوسک ریکارڈ کیا گیا ہے۔
محکمہ اطلاعات سندھ کا کہنا ہے کہ سندھ میں سیلابی صورتحال پر مکمل نظر رکھی جا رہی ہے اور متعلقہ ادارے ہر ممکن اقدامات کے لیے تیار ہیں۔
