دریائوں ، ڈیمز اور موسم کی صورتحال کیا ہے ؟ ۔ سیلاب میں گھرے متاثرین کس نوعیب کی مشکلات کا شکار ہیں؟ تفصیلات جانیے اس رپورٹ میں۔
دریائے چناب اور جہلم
دریائے چناب کے مختلف مقامات پر پانی کی آمد میں خطرناک حد تک اضافہ ہو رہا ہے۔
قادرآباد اور خانکی کے مقام پر پانی کی مقدار تیزی سے بڑھ رہی ہے ۔ چند گھنٹوں میں 3 لاکھ کیوسک تک پہنچنے کا امکان ہے۔
چنیوٹ برج پر پانی کی آمد 6 لاکھ 14 ہزار کیوسک ریکارڈ کی گئی۔ماہرین نے انتہائی بلند سیلابی صورتحال قرار دیا ہے۔
دریائے جہلم میں بھی پانی کی سطح میں اضافہ دیکھنے میں آ رہا ہے۔
منگلا کے مقام پر درمیانے درجے کے سیلاب کا امکان ظاہر کیا گیا ہے۔
دریائے راوی پر پانی کی سطح تشویش ناک ہو گئی ہے۔ شاہدرہ، بلوکی اور جسر کے مقامات پر پانی میں مسلسل اضافہ ہو رہا ہے۔
دریائے ستلج میں بھی پانی کی سطح بڑھتی جا رہی ہے۔ گنڈا سنگھ والا اور سلیمانکی کے مقامات پر پانی کا بہاؤ بلند ریکارڈ کیا گیا۔
گنڈا سنگھ والا کے مقام پر صورتحال کو ’انتہائی بلند‘ درجے میں شامل کیا گیا ہے۔
The people of Punjab have always shown generosity by supporting other provinces and communities in times of need. Now, it’s time for all provinces, states, and ethnicities to stand united and extend a helping hand to the flood victims in Punjab.
#FloodRelief #PunjabFloods2025 pic.twitter.com/N3k0EeAx05— Farid Ahmed (Qureshi) (@FaridQureshi_UK) August 30, 2025
بارشوں کی اپ ڈیٹ
راولپنڈی، سرگودھا،گوجرانوالہ، لاہور،بہاولپور،بالائی اوروسطی پنجاب میں بادل برسنے کی پیش گوئی ہے۔ جس سے دریاؤں میں پانی کی آمد میں اضافہ ہوگا۔
DGKhan Division/East Balochistan Hill Torrents Areas, latest Satellite Image/Weather#FFD #HillTorrents #FlashFlooding #StayAlert #StaySafe pic.twitter.com/EV6G46weLR
— FFDLahore (@ffdlhr) August 30, 2025
متاثرین کی مشکلات اور ریسکیو کارروائیاں
متاثرین کو شدید مشکلات کا سامنا ہے۔ گھر،سامان پانی میں ڈوب چکے ہیں۔ ساتھ ہی بارشیں سر پر ہیں۔ زیادہ تر متاثرین کھلے آسمان تلے موجود ہیں۔
اب تک سیلاب سے متاثرہ افراد کی تعداد 15 لاکھ 16 ہزار تک پہنچ چکی۔ 4 لاکھ 81 ہزار افراد کو ریسکیو کر کے محفوظ مقامات پر منتقل کیا گیا ہے۔
متاثرہ اضلاع میں 511 ریلیف کیمپس قائم کیے گئے ہیں۔ طبی امداد کے لیے 351 میڈیکل کیمپس اور مویشیوں کی دیکھ بھال کے لیے 321 ویٹرنری کیمپس بھی فعال ہیں۔
اب تک 4 لاکھ 5 ہزار جانوروں کو محفوظ مقامات پر منتقل کیا جاچکا ہے۔
دریاؤں میں پانی کی صورتحال
دریائے چناب مرالہ پر پانی کا بہاؤ 1 لاکھ 11 ہزار کیوسک ریکارڈ ہوا ہے۔
خانکی ہیڈ ورکس پر 1 لاکھ 70 ہزار، قادر آباد پر 1 لاکھ 71 ہزار اور ہیڈ تریموں پر 1 لاکھ 46 ہزار کیوسک تک پہنچ گیا ہے۔
راوی میں جسڑ کے مقام پر بہاؤ 78 ہزار کیوسک ہے، شاہدرہ پر 1 لاکھ 38 ہزار کیوسک (جہاں کمی دیکھی جارہی ہے)۔
بلوکی پر بہاؤ 1 لاکھ 99 ہزار کیوسک تک پہنچ چکا ہے۔ ہیڈ سدھنائی پر آمد 32 ہزار اور اخراج 18 ہزار کیوسک ہے۔
ستلج میں گنڈا سنگھ والا پر پانی کا بہاؤ 3 لاکھ 3 ہزار کیوسک ہے اور مسلسل اضافہ ہو رہا ہے۔
سلیمانکی پر یہ بہاؤ 1 لاکھ 38 ہزار کیوسک ہے۔
In the past two days, Engineer troops from Pakistan Army along with the Irrigation Dept of Punjab successfully managed the most severe flood battle in the history of Qadirabad Headworks on River Chenab.
Despite the barrage being designed for 800,000 cusecs, it withstood a… pic.twitter.com/kKQMAxzSGe
— Fidato (@tequieremos) August 29, 2025
ڈیمز کی صورتحال
منگلا ڈیم 80 فیصد اور تربیلا ڈیم 100 فیصد بھر چکے ہیں۔دریائے ستلج پر موجود بھاکڑا ڈیم 84 فیصد، پونگ ڈیم 94 فیصد اور تھین ڈیم 92 فیصد تک بھر گئے ہیں۔