پولینڈ کے شہر راڈوم میں ایک افسوسناک واقعے میں فضائیہ کا ایک ایف-16 جنگی طیارہ ایئر شو کی تیاری کے دوران گر کر تباہ ہو گیا، جس کے نتیجے میں پائلٹ موقع پر ہی جان کی بازی ہار گیا۔
مقامی میڈیا رپورٹس کے مطابق حادثہ جمعرات کے روز پیش آیا جب طیارہ ایروبیٹک مشق کے دوران قابو سے باہر ہو کر زمین سے ٹکرا گیا۔
سوشل میڈیا پر وائرل ہونے والی ویڈیوز میں دیکھا جا سکتا ہے کہ طیارہ بیرل رول کے دوران اچانک نیچے آیا اور زمین سے ٹکراتے ہی آگ کے شعلوں میں لپٹ گیا، طیارہ رن وے پر کچھ فاصلے تک گھسٹتا رہا اور مکمل طور پر تباہ ہو گیا۔
⚡ BREAKING: F-16 fighter jet crashes during training for the Radom Air Show in Poland. Pilot killed
Aircraft crashed into the runway around 1730 GMT and damaged it. The Radom Airshow planned for the weekend has been cancelled.
Government spokesman Adam Szlapka confirmed the… pic.twitter.com/E3wFl6MKIP
— OSINT Updates (@OsintUpdates) August 28, 2025
پولینڈ حکومت کے ترجمان نے واقعے کی تصدیق کرتے ہوئے کہا کہ یہ حادثہ فضائیہ کے لیے ایک بڑا نقصان ہے، طیارہ 31 ویں ٹیکٹیکل ایئر بیس، پوزنان سے تعلق رکھتا تھا۔
مسلح افواج کے مطابق خوش قسمتی سے حادثے کے وقت طیارے کے قریبی علاقے میں کوئی راہگیر موجود نہیں تھا، جس سے کسی شہری کے متاثر ہونے کی اطلاع نہیں ملی۔
ایف-16 کے حادثے کے بعد ایئر شو کو منسوخ کر دیا گیا ہے جبکہ حادثے کی وجوہات جاننے کے لیے تحقیقات کا آغاز کر دیا گیا ہے۔