اسلام آباد: آئندہ 15 روز کیلئے پیٹرولیم مصنوعات 3 روپے فی لیٹر تک سستی ہونے کا امکان ہے۔
ہائی اسپیڈ ڈیزل کی فی لیٹر قیمت 3 روپے 13 پیسے تک کم ہوسکتی ہے جبکہ آئندہ 15 روز کیلئے پیٹرول فی لیٹر 61 پیسے تک سستا ہو سکتا ہے۔
اوگرا پیٹرولیم مصنوعات سے متعلق ورکنگ 31 اگست کو حکومت کو بھجوائے گا جبکہ آئل انڈسٹری نے مصنوعات سے متعلق ورکنگ اوگرا کو بجھوا دی۔
وزارت خزانہ وزیر اعظم سے مشاورت کے بعد قیمتوں سے متعلق حتمی فیصلہ کرے گی، وفاقی حکومت صوابدیدی اختیارات کے تحت قیمتوں کو کم یا زیادہ کرنے کا اختیار رکھتی ہے، تاہم قیمتوں میں ردوبدل عالمی مارکیٹ میں قیمتوں کے تناسب سے کیا جائے گا۔