2022 کے سیلاب کے بعد جینیوا ڈونرز کانفرنس میں 11 ارب ڈالر کی فنانسنگ میں پلاننگ کا فقدان سامنے آیا ہے۔
دستاویز کے مطابق تین سال سے زائد عرصے میں پاکستان کو مجموعی طورپر ابھی تک 4 ارب 69 کروڑ ڈالر موصول ہو سکے، جس میں پراجیکٹ فنانسنگ کی مد میں 2 ارب 75 کروڑ ڈالر موصول ہوئے، جبکہ 1 ارب 93 کروڑ ڈالر کموڈیٹی خریداری کے لیے ملے ہیں۔
دستاویز میں بتایا گیا کہ رواں مالی سال جینیوا ڈونرز کانفرنس کے تحت 1 ارب 26 کروڑ ڈالر فنانسنگ کا ہدف مختص کیا گیا، جبکہ رواں مالی سال کیلئے 76 کروڑ ڈالر سے زائد کی پراجیکٹ فنانسنگ کا تخمینہ لگایا گیا ہے۔
یہ بھی پڑھیں: سال 2022 کے سیلاب میں پاک فوج کی خدمات کی رپورٹ جاری
یاد رہے کہ جنیوا ڈونرز کانفرنس میں پاکستان نے مجموعی طور پر 10 ارب 98 کروڑ ڈالر کی پلیجز حاصل کی تھیں، تاہم سیلاب سے نقصانات کے لیے اعلان کردہ 54 کروڑ ڈالر کی گرانٹس میں سے صرف 21 لاکھ ڈالر امداد پاکستان کو موصول ہو سکی۔
ماہرین کے مطابق بیشتر رقوم باہمی اور کثیرالجہتی معاہدوں کے تحت لانگ ٹرم بنیادوں پر اور مختلف شرح سود کے ساتھ پاکستان کو فراہم کی جائیں گی۔