جنوبی امریکہ میں 7.5 شدت کا زلزلہ، سونامی کا کوئی خطرہ نہیں

امریکی جیولوجیکل سروے کے مطابق چلی اور ارجنٹینا میں 7 اعشاریہ 5 شدت کے زلزلے کے جھٹکے محسوس کیے گئے ہیں۔

غیرملکی میڈیا کے مطابق امریکی جیولوجیکل نے بتایا ہے کہ براعظم جنوبی امریکہ میں چلی کے ساتھ انٹارکٹک ریجن میں 7.5 شدت کے زلزلے کے جھٹکے محسوس کیے گئے ہیں۔

زلزلے کا یہ علاقہ وسیع سمندری راستے پر آیا ہے۔ یہاں راستہ سمندروں کو ملاتا ہے۔ یہاں آپ کو بتا دیں کہ ڈریک پیسیج ایک گہرا اور چوڑا سمندری راستہ ہے۔ یہ راستہ جنوب مغربی بحر اوقیانوس اور جنوب مشرقی بحر الکاہل کو جوڑتا ہے۔ زلزلے سے ابھی تک جانی و مالی نقصان کی کوئی خبر نہیں ہے۔ تاہم کافی دیر تک زمین ہلنے کی خبریں آئی ہیں۔

امریکی جیولوجیکل سروے نے بتایا کہ زلزلے کے بعد سونامی کا کوئی خطرہ نہیں ہے۔