سینیٹ میں پیش کی گئی رپورٹ کے مطابق ملکی دارالحکومت میں تین سال کے دوران بچوں سے زیادتی اور گمشدگی کے 466 واقعات رپورٹ ہوئے ہیں۔
رپورٹ میں کہا گیا ہے کہ اسلام آباد کی حدود میں سال 2022 سے 2025 کے دوران بچوں سے زیادتی اور گمشدگی کے 466 مقدمات درج ہوئے۔
وزارت داخلہ کی جانب سے سینیٹ اجلاس کے وقفہ سوالات میں جمع کرائے گئے تحریری جواب کے مطابق ان مقدمات میں 228 بچیاں اور 246 بچے متاثر ہوئے۔
وزارت داخلہ نے بتایا کہ ان واقعات میں 357 ملزمان کو گرفتار کیا گیا، تاہم اب تک صرف 14 ملزمان کو سزا سنائی گئی جبکہ 36 ملزمان کو بری کر دیا گیا۔