ڈکی بھائی کو 2 روزہ جسمانی ریمانڈ پر نیشنل سائبر کرائم کے حوالے کردیاگیا۔ ان کے خلاف جوا ایپس پروموٹ کرنے کے الزامات پر مقدمہ درج کیا گیاتھا۔
معروف یو ٹیوبر کو گزشتہ روز لاہور ایئرپورٹ سے گرفتار کیا گیا تھا۔ ملزم کو آج عدالت میں پیش کیا گیا۔
ان پر الزام ہے کہ انہوں نے یوٹیوب پر اپنی ویڈیوز کے ذریعے مختلف جوا اوربیٹنگ ایپلیکیشنزجیسے Binomo، 1xBet، Bet 365 اور 39 Game کو پروموٹ کیا۔
ان پر یہ بھی الزام ہے کہ انہوں نے سوشل میڈیا فالوورز اور عوام کو ان ایپس میں سرمایہ کاری پر اکسایا، جس کے نتیجے میں لوگوں کو بھاری مالی نقصان اٹھانا پڑا اور وہ اپنی جمع پونجی سے محروم ہوگئے۔
ایف آئی آر میں کہا گیا ہے کہ ڈکی بھائی نے ذاتی مالی فائدے کے لیے یہ پروموشن کی۔
مقدمہ PECA 2016 (ترمیم شدہ 2025) کی دفعات 13، 14، 25، 26 اور پاکستان پینل کوڈ کی دفعات 294-B اور 420 کے تحت درج کیا گیا ہے۔
تحقیق کی ذمہ داری NCCIA کے اسسٹنٹ ڈائریکٹر شعیب ریاض کے سپرد کی گئی ہے۔
