لاہور: پنجاب بورڈز آف انٹرمیڈیٹ اینڈ سیکنڈری ایجوکیشن نے نویں جماعت کے سالانہ امتحانات 2025 کے نتائج کا اعلان کردیا ہے۔ آج 16 اگست کو صوبے کے تمام تعلیمی بورڈز نے باضابطہ طور پر رزلٹ جاری کیا ہے۔
رواں سال امتحانات میں شریک ہونے والے طلبہ اب اپنے متعلقہ بورڈز کی آفیشل ویب سائٹس پر جاکر رزلٹ دیکھ سکتے ہیں۔ ویب سائٹ پر رزلٹ سیکشن میں جاکر صرف رول نمبر درج کرنے پر نتیجہ سامنے آجائے گا۔
پنجاب کے وہ 9 تعلیمی بورڈز جنہوں نے نتائج جاری کیے ہیں ان میں لاہور بورڈ، گوجرانوالہ بورڈ، راولپنڈی بورڈ، ملتان بورڈ، فیصل آباد بورڈ، بہاولپور بورڈ، ڈی جی خان بورڈ، ساہیوال بورڈ اور سرگودھا بورڈ شامل ہیں۔
ایس ایم ایس کے ذریعے رزلٹ چیک کرنے کا طریقہ
طلبہ اپنے رزلٹ ایس ایم ایس کے ذریعے بھی معلوم کرسکتے ہیں۔ اس کے لیے متعلقہ بورڈ کا مخصوص کوڈ استعمال کرتے ہوئے رول نمبر بھیجنا ہوگا:
لاہور بورڈ: 800291
گوجرانوالہ بورڈ: 800299
راولپنڈی بورڈ: 800296
ملتان بورڈ: 800293
ساہیوال بورڈ: 800292
فیصل آباد بورڈ: 800240
سرگودھا بورڈ: 800290
ڈی جی خان بورڈ: 800295
بہاولپور بورڈ: 800298
اہم ہدایات
طلبہ کو مشورہ دیا گیا ہے کہ وہ اپنے نتائج کو ایک سے زائد بار چیک کریں تاکہ درستگی یقینی ہو سکے۔ ساتھ ہی رزلٹ شیٹ کو ڈاؤن لوڈ یا پرنٹ کر کے محفوظ رکھنا بھی ضروری ہے۔
