دنیا کے معروف ترین سرچ انجن گوگل نے پاکستان کے یوم آزادی 14 اگست کے موقع پر اپنا ڈوڈل تبدیل کردیا۔
یوم آزادی کے موقع پرگوگل نے اپنےڈوڈل کے ڈیزائن میں تبدیلی کرتے ہوئے سبز حلالی پرچم کو نیلے آسمان پر لہراتے ہوئے دکھایا، جبکہ پس منظر میں نیلے آسمان پر سفید بادلوں میں گوگل لکھا نظر آرہا ہے۔
یہ بھی پڑھیں: گوگل کا نیا اے آئی ٹول: تصویریں اب ویڈیو بنیں گی، وہ بھی آواز کے ساتھ!
دنیا میں سب سے زیادہ استعمال ہونےوالے سرچ انجن گوگل پر دنیا بھر کے اہم مواقع، تہواروں، ایونٹس اور بین الاقوامی سطح پر ریکارڈز بنانے والی شخصیات کی مناسبت سے اکثر ڈوڈل تبدیل کیا جاتا ہے، اسی روایت کو برقرار رکھتے ہوئے گوگل نے رواں برس بھی پاکستان کے یوم آزادی پر اپنا ڈوڈل تبدیل کر کے وطن عزیز کو مبارک باد پیش کی ہے۔