فیلڈمارشل عاصم منیرکے دورے نے پاک امریکاتعلقات کونئی جہت بخشی ہے۔ عالمی خبررساں اداروں نے حالیہ دورے کو کامیاب ترین دورہ قرار دیدیا۔
فنانشل ٹائمز کی رپورٹ کے مطابق فیلڈ مارشل عاصم منیر کے دورے سے تعلقات میں غیرمعمولی پیش رفت سامنے آئی ہے۔
عاصم منیر نے جنرل مائیکل کوریلا کی ریٹائرمنٹ پر فلوریڈا میں منعقد ہونے والی تقریب میں شرکت کی۔ تقریب میں فیلڈ مارشل کاانتہائی گرمجوشی سے استقبال کیا گیا۔
فنانشل ٹائمز کے مطابق اس سے قبل فیلڈ مارشل کی امریکی صدرٹرمپ سے بھی ملاقات ہوئی۔ جنرل عاصم منیر کے دورہ امریکہ کے بعد پاک امریکا تعلقات میں غیر متوقع پیش رفت آئی۔
اخبارنے اپنی رپورٹ میں کہا ہے کہ امریکی صدر نے پاکستان کے تیل کے ذخائر کی ترقی کے لیے معاہدے کا وعدہ بھی کیا۔
فنانشل ٹائمز نے لکھا کہ پاکستان نے امریکا کو سرمایہ کاری کے نئے مواقع دیے۔ خاص طور پر توانائی، معدنیات اور کرپٹو میں بے پناہ مواقع موجود ہیں۔
ایشیاپیسیفک فاؤنڈیشن کے سینیئرفیلو مائیکل کوگل مین کے مطابق امریکا او پاکستان تعلقات میں حیران کن تبدیلی آئی ہے۔
مڈل ایسٹ انسٹی ٹیوٹ کے سینیئرفیلومارون وین بوم کے مطابق پاکستان ایک نایاب ملک ہے ۔ پاکستان چین، ایران، لیجی ممالک، روس کے کچھ حصے اوراب دوبارہ امریکاکیساتھ مضبوط تعلقات رکھتاہے۔
فنانشل ٹائمز کا کہنا ہے کہ بھارت پاکستان کی وائٹ ہاؤس میں پذیرائی سے ناراض ہے۔مودی اور ٹرمپ کے درمیان کشیدگی بڑ ھ چکی ہے۔
دوسری جانب پاکستان نے جنگ بندی کے سہولت کار کے طور پر امریکی صدر کو پیش کیا۔
اخبار نے رپورٹ کیا کہ پاکستان نے ’ورلڈ لبرٹی فنانشل‘ کے ساتھ کرپٹو ٹوکنز کے لیے مفاہمتی یادداشت پر دستخط کیے۔
کرپٹو اور بلاک چین کے وزیر بلال بن ثاقب نے واشنگٹن میں تجارتی بات چیت میں حصہ لیا۔
فنانشل ٹائمز نے لکھا کہ پاکستان نے داعش کے ایک اعلیٰ دہشتگرد کی گرفتاری میں اہم کردار ادا کیا۔
