پاکستان کی فضاوں میں چینی مسافر بردار طیارے اڑان بھرنے کو تیار

کراچی:پاکستان کی ایوی ایشن انڈسٹری میں نیا انقلاب برپا، ایئر کراچی پاکستان میں چینی مسافر بردار طیارے لانے کو تیار۔

چینی مسافر بردار طیاروں کی آمد سے ڈومیسٹک ٹکٹس کی قیمت چالیس فیصد تک کم ہوجائے گی، اور ڈومیسٹک مسافر غیر معمولی رعایت کافائدہ اٹھاسکیں گے۔

چیئرمین ایئر کراچی حنیف گوہر نے کہا کہ ابتداء میں چینی پائلٹ ہی طیارے آپریٹ کریں گے، چینی طیارے قیمت میں ایئر بس اور بوئنگ کے مقابلے میں آدھی قیمت پر ہے، اس طرح لیز کی قیمت بھی کم ہوگی جس کا فائدہ مسافروں کو ملے گا۔

حنیف گوہر نے کہا کہ ہماری کوشیش ہے کہ چینی طیاروں کے سمیولیٹر اور ریزرو انجن بھی یہاں لائیں جائیں۔

دوسری جانب سول ایوی ایشن کا کہنا ہے کہ ہمیں چینی طیاروں پر اعتراض نہیں ہے۔

حنیف گوہر  نے مزید کہا کہ سول ایوی ایشن ہمیں اجازت دینے کو تیار ہے، چینی طیارہ 919 ماڈل ہے اور یہ 150 مسافروں کو لے جاسکتا ہے۔