پاکستان نے پہلے ہاکی ٹیسٹ میں جنوبی کوریا کو شکست دے دی

پاکستان نے پہلے ہاکی ٹیسٹ میں جنوبی کوریا کو شکست دے دی

پہلے ٹیسٹ میچ میں پاکستان نے آغاز ہی سے جارحانہ کھیل پیش کیا۔

پاکستان نے دو میچز پر مشتمل ٹیسٹ سیریز کا فاتحانہ آغاز کرتے ہوئے پہلے میچ میں جنوبی کوریا کو 1-3 سے شکست دے دی۔

ناصر بندہ ہاکی اسٹیڈیم میں کھیلے گئے پہلے ٹیسٹ میچ میں پاکستان نے آغاز ہی سے جارحانہ کھیل پیش کیا اور دوسرے کوارٹر میں دو گول کرکے میچ پر اپنی گرفت مضبوط کرلی۔

پاکستان کی جانب سے سفیان خان نے پنالٹی کارنرز پر دو گول اسکور کیے جب کہ کپتان ابو بکر محمود نے ایک فیلڈ گول کیا۔ جنوبی کوریا کی جانب سے واحد گول جی ہن یانگ نے اسکور کیا۔

قومی ٹیم پہلے ہاف کے اختتام پر 1-2 کی برتری حاصل کیے ہوئے تھی۔ تیسرے کوارٹر کے 36 ویں منٹ میں سفیان خان نے ایک اور کامیاب پنالٹی کارنر پر گول کرکے اپنی ٹیم کی برتری 1-3 کردی۔

جنوبی کوریا نے ایک گول کے ذریعے خسارہ کم کرنے کی کوشش کی تاہم آخری کوارٹر میں پاکستان کے دفاع نے مزید کوئی گول نہ ہونے دیا اور قومی ٹیم نے میچ 1-3 سے اپنے نام کرلیا۔

پاکستان اور جنوبی کوریا کے درمیان ٹیسٹ سیریز کا دوسرا میچ ہفتہ کو اسی میدان میں کھیلا جائے گا۔ یہ سیریز پاکستان کی آئندہ بین الاقوامی مقابلوں کی تیاریوں کا حصہ ہے۔