حج 2026، سعودی حکام نے مسجد الحرام کے اطراف فضائی حصار قائم کر دیا، ویڈیو جاری
یہ اقدامات حج کے دوران سکیورٹی، امن اور اطمینان برقرار رکھنے کی ایک بڑی حکمتِ عملی کا حصہ ہیں
-
ویب ڈیسک -
سعودی عرب نے حج سیزن کے دوران عازمینِ حج کے تحفظ کو یقینی بنانے کے لیے جدید اور جامع دفاعی نظام فعال کر دیا ہے جس کی باقاعدہ ویڈیو بھی جاری کر دی گئی ہے۔
سعودی عرب کی وزارت دفاع کے مطابق مقدس مقامات کے اطراف فضائی نگرانی کو انتہائی سخت کر دیا گیا ہے اور مسجد الحرام کے گرد ایک مضبوط فضائی حفاظتی حصار قائم کیا گیا ہے۔
حج کے دوران منیٰ، مزدلفہ اور میدان عرفات سمیت تمام اہم مقامات پر جدید ٹیکنالوجی کی مدد سے مسلسل مانیٹرنگ جاری ہے تاکہ لاکھوں عازمین کے تحفظ کو یقینی بنایا جا سکے۔
در چارچوب سامانهی آمادگی یکپارچه وزارت دفاع.. نیروهای دفاع هوایی حفاظت از فضای هوایی در مشاعر مقدس را بر عهده دارند و با تمامی تهدیدات هوایی برخورد میکنند، به گونهای که امنیت و آرامش مهمانان خدا تأمین شود.#حج_سال_۱۴۴۷ pic.twitter.com/ee77lUNjcl
— واس فارسى (@spa_persian) May 23, 2026
سعودی وزارت دفاع نے بتایا ہے کہ نصب کیے گئے دفاعی نظام کا مقصد کسی بھی ممکنہ فضائی خطرے کا فوری اور مؤثر جواب دینا ہے جبکہ فضائی دفاعی فورسز مکمل الرٹ پر ہیں۔
حکام کے مطابق یہ اقدامات حج کے دوران سکیورٹی، امن اور اطمینان برقرار رکھنے کی ایک بڑی حکمتِ عملی کا حصہ ہیں جس کے تحت مقدس مقامات کو ہر طرح کے خطرات سے محفوظ بنایا جا رہا ہے۔
سعودی دفاعی اداروں کا کہنا ہے کہ ان کے جدید نظام ہر قسم کی فضائی صورتحال سے نمٹنے کی مکمل صلاحیت رکھتے ہیں اور حجاج کے تحفظ کو اولین ترجیح دی گئی ہے۔