امریکا کا پشاور میں قائم قونصل خانہ بند کرنے کا اعلان
اس تبدیلی کے باوجود پاکستان میں امریکی پالیسی ترجیحات برقرار رہیں گی
-
ویب ڈیسک -
امریکا کے محکمہ خارجہ نے پشاور میں قائم اپنے قونصل خانے کو مرحلہ وار بند کرنے کا اعلان کر دیا ہے۔
امریکی محکمہ خارجہ کی جانب سے جاری کردہ اعلامیے میں کہا گیا ہے کہ یہ فیصلہ سفارتی عملے کی سیکیورٹی کو یقینی بنانے اور وسائل کے مؤثر استعمال کے پیش نظر کیا گیا ہے۔
اعلامیے کے مطابق اس اقدام کے بعد خیبرپختونخوا سے متعلق تمام سفارتی امور اسلام آباد میں موجود امریکی سفارت خانے کے ذریعے انجام دیے جائیں گے جبکہ پشاور میں امریکی موجودگی محدود ہوجائے گی۔
The @StateDept has announced the phased closure of the U.S. Consulate General in Peshawar. As we transition to a new chapter, with the U.S. Consulate General’s operations shifting to @USEmbIslamabad, we will continue our important diplomatic work in partnership with the people…
— Bureau of South and Central Asian Affairs (SCA) (@State_SCA) May 6, 2026
امریکی محکمہ خارجہ نے واضح کیا ہے کہ اس تبدیلی کے باوجود پاکستان میں امریکی پالیسی ترجیحات برقرار رہیں گی اور دوطرفہ تعلقات کے فروغ کے لیے کوششیں جاری رہیں گی۔
اعلامیے میں مزید کہا گیا ہے کہ خیبرپختونخوا کی حکومت اور عوام کے ساتھ روابط ختم نہیں ہوں گے بلکہ مختلف ذرائع کے ذریعے برقرار رکھے جائیں گے جن کا مقصد اقتصادی تعاون کو فروغ دینا، علاقائی سلامتی کو مضبوط بنانا اور باہمی مفادات کو آگے بڑھانا ہے۔
اعلامیے کے مطابق پاکستان میں امریکی مشن کراچی اور لاہور میں موجود اپنے سفارتی دفاتر کے ذریعے بھی سرگرم رہے گا اور دونوں ممالک کے تعلقات کو مزید مستحکم بنانے کے لیے کام جاری رکھے گا۔
