ہمارے پڑوسی ہماری اولین ترجیح ہیں، ایرانی وزیر خارجہ
گزشتہ روز سلطان عمان اور عباس عراقچی کے درمیان مسقط میں ملاقات ہوئی تھی
-
ویب ڈیسک -
ایران کے وزیر خارجہ عباس عراقچی نے کہا ہے کہ ایران کے لیے اس کے پڑوسی ممالک اولین ترجیح رکھتے ہیں۔
سماجی رابطے کی ویب سائٹ ایکس پر اپنے بیان میں عباس عراقچی نے عمانی قیادت کی مہمان نوازی پر شکریہ ادا کرتے ہوئے کہا کہ مسقط میں ہونے والی ملاقات انتہائی مثبت ماحول میں ہوئی۔
انہوں نے کہا کہ مذاکرات کے دوران دوطرفہ امور اور خطے کی مجموعی صورتحال پر تفصیلی گفتگو کی گئی جبکہ آبنائے ہرمز میں محفوظ اور بلا رکاوٹ ٹرانزٹ کو یقینی بنانے کے معاملات پر بھی تبادلہ خیال ہوا۔
Appreciative of my gracious hosts in Oman.
Important discussions on bilateral matters and regional developments. As only Hormuz littoral states, our focus included ways to ensure safe transit that is to benefit of all dear neighbors and the world.
Our neighbors are our priority pic.twitter.com/QffTsjCWgW
— Seyed Abbas Araghchi (@araghchi) April 26, 2026
ایرانی وزیر خارجہ نے مزید کہا کہ علاقائی استحکام اور تعاون کو فروغ دینے کے لیے بات چیت جاری رکھنا ضروری ہے۔
واضح رہے کہ گزشتہ روز سلطان عمان اور ایرانی وزیر خارجہ عباس عراقچی کے درمیان مسقط میں ملاقات ہوئی تھی جس میں خطے کی صورتحال، ثالثی کی کوششوں اور پیش رفت پر تفصیلی مشاورت کی گئی۔