“اوپن پی ایس ایل فار پبلک” ٹاپ ٹرینڈ؛ پورے پاکستان کو پھر سے کرکٹ کا جنون چڑھ گیا
سوشل میڈیا پر وائرل پیغامات میں شائقین کا کہنا ہے خالی اسٹیڈیمز میں کرکٹ کا اصل رنگ نہیں آتا
-
ویب ڈیسک -
پورے پاکستان میں ایک بار پھر کرکٹ کا جنون عروج پر ہے اور پاکستان سپر لیگ کے پلے آف میچز کو لے کر شائقین کا جوش دیدنی ہو گیا ہے۔
سوشل میڈیا پلیٹ فارم ایکس پر ’اوپن پی ایس ایل فار پبلک‘ عالمی سطح پر ٹاپ ٹرینڈ بن چکا ہے جہاں کرکٹ مداح اسٹیڈیمز کو شائقین کے لیے کھولنے کا مطالبہ کر رہے ہیں۔
شائقینِ کرکٹ نے وزیراعظم شہباز شریف اور چیئرمین پی سی بی محسن نقوی سے اپیل کی ہے کہ پی ایس ایل کے باقی میچز خاص طور پر پلے آف مرحلے عوام کے لیے اسٹیڈیم میں دیکھنے کی اجازت دی جائے۔
Who is going to watch the PSL final? #OpenPSLforPublic pic.twitter.com/yBFVeoJK6v
— S Ali (@SAli1224989) April 27, 2026
سوشل میڈیا پر وائرل پیغامات میں شائقین کا کہنا ہے کہ خالی اسٹیڈیمز میں کرکٹ کا اصل رنگ نہیں آتا بلکہ بھرے ہوئے میدان ہی پی ایس ایل کا حقیقی حسن ہوتے ہیں۔
مداحوں کے مطابق کرکٹ صرف ٹی وی اسکرین تک محدود نہیں بلکہ اسٹیڈیم میں بیٹھ کر میچ دیکھنے کا تجربہ ہی اصل جوش و جذبہ پیدا کرتا ہے۔
The turning point of PSL is here playoffs mean bigger battles and bigger moments. Fans shouldn’t miss out on the live action. Let’s stop the disappointment of empty seats and welcome the crowd back where they belong #OpenPSLforPublic pic.twitter.com/lRmfuPnybW
— Romaisa Durrani (@aromaisa087) April 27, 2026
شائقین کا یہ بھی کہنا ہے کہ صرف فائنل نہیں بلکہ پلے آف میچز کے لیے بھی دروازے کھولے جائیں تاکہ عوام اس کرکٹ فیسٹیول کا بھرپور حصہ بن سکیں۔
آن لائن ٹرینڈ اب ایک عوامی مطالبے کی شکل اختیار کر چکا ہے جس میں واضح پیغام دیا جا رہا ہے کہ پی ایس ایل شائقین کے بغیر ادھورا ہے اور قوم اس وقت کرکٹ کے رنگ میں پوری طرح رنگی ہوئی ہے۔