امریکی نائب صدر جے ڈی وینس کا دورہ پاکستان مؤخر
دوسری جانب ایران نے تاحال مذاکرات بحال کرنے کا کوئی فیصلہ نہیں کیا ہے۔
-
ویب ڈیسک -
واشنگٹن: نیویارک ٹائمز کی رپورٹ کے مطابق امریکی نائب صدر جے ڈی وینس کا دورہ پاکستان مؤخر کردیا گیا ہے۔
نیویارک ٹائمز کا کہنا ہے کہ ایران کی جانب سے امریکی مؤقف پر ردعمل نہ دینے کے باعث امریکی وفد کا شیڈول رک گیا ہے۔
ایک امریکی اہلکار نے تصدیق کی کہ دورہ مؤخر کرنے کی وجہ ایران کا جواب نہ دینا ہے جب کہ ایران نے تاحال مذاکرات بحال کرنے کا کوئی فیصلہ نہیں کیا ہے۔
یاد رہے کہ امریکا اور ایران کے درمیان مذاکرات کا پہلا دور اسلام آباد میں مکمل ہوچکا تھا اور توقع کی جارہی تھی کہ دوسرے دور کے مذاکرات کے لیے نائب صدر جے ڈی وینس پاکستان کا دورہ کریں گے۔
دوسری جانب ایرانی صدر مسعود پزشکیان نے ایک بیان میں کہا کہ ہماراانتخاب امن اورسکون ہے، دشمن ہم سے سرینڈر کرنے اور ایکشن نہ لینے کی توقع کر رہا تھا۔
ایرانی صدر کہتے ہیں کہ امریکا اور اسرائیل کے خلاف ملک کا بہادری سے دفاع کیا اور ایران ہمیشہ اپنا دفاع بھرپور طریقے سے کرتا رہے گا۔
مسعود پزشکیان نے مزید کہا کہ دشمن نے جو کیا اس کو پچھتانے پر مجبور کریں گے، دشمن پر ایسی ضرب لگائیں گے کہ وہ دوبارہ حملے کی جرات نہیں کرے گا۔