قومی سائیکلسٹ نتالیہ خان 28 برس کی عمر میں انتقال کر گئیں
حال ہی میں ان کی سرجری کی گئی تھی تاہم وہ مکمل طور پر صحت یاب نہ ہو سکی
-
ویب ڈیسک -
قومی سائیکلنگ اور روئنگ کی باصلاحیت کھلاڑی نتالیہ خان 28 برس کی عمر میں انتقال کر گئیں۔
صدر پاکستان سائیکلنگ فیڈریشن سید اظہر علی شاہ کے مطابق نتالیہ خان کافی عرصے سے گردوں کے عارضے میں مبتلا تھیں۔
انہوں نے بتایا کہ حال ہی میں ان کی سرجری کی گئی تھی تاہم وہ مکمل طور پر صحت یاب نہ ہو سکیں اور طبیعت بگڑنے کے باعث انتقال کر گئیں۔
سید اظہر علی شاہ نے گہرے دکھ اور افسوس کا اظہار کرتے ہوئے کہا کہ پاکستان سائیکلنگ فیڈریشن کے تمام اراکین اس سانحے پر غمزدہ ہیں اور مرحومہ کے اہلِ خانہ کے ساتھ دلی ہمدردی کا اظہار کرتے ہیں۔