رونالڈو کا عیدالفطر پر مسلمانوں کیلئے خصوصی پیغام سوشل میڈیا پر وائرل
عالمی شہرت یافتہ فٹبالر نے تمام مسلمانوں کو عیدالفطر کی مبارکباد پیش کی
-
ویب ڈیسک -
دُنیائے فٹ بال کے نامور کھلاڑی پرتگال کے کرسٹیانو رونالڈو نے عیدالفطر کے موقع پر دنیا بھر کے مسلمانوں کو مبارکباد دیتے ہوئے ایک خصوصی پیغام جاری کیا ہے جو سوشل میڈیا پر تیزی سے وائرل ہو رہا ہے۔
پرتگالی اسٹار فٹبالر نے سوشل میڈیا پلیٹ فارم ’ایکس‘ (سابقہ ٹوئٹر) پر اپنی ایک تصویر بھی شیئر کی، جس میں وہ عربی جبہ پہنے نظر آرہے ہیں، جو مداحوں کی توجہ کا مرکز بن گئی۔
اپنے پیغام میں انہوں نے لکھا کہ سب کو عید مبارک، اُمید ہے کہ آپ کا یہ دن اپنے خاندان اور پیاروں کے ساتھ خوشیوں بھرا اور خاص گزرے گا۔
سعودی کلب النصر سے وابستہ عالمی شہرت یافتہ فٹبالر نے اپنے پیغام کے اختتام پر ایک بار پھر تمام مسلمانوں کو عیدالفطر کی مبارکباد پیش کی۔
Eid Mubarak to all! 🌙 I hope you have a very special day with your family and loved ones. Wishing you all peace and happiness. pic.twitter.com/pwmmOTBYlp
— Cristiano Ronaldo (@Cristiano) March 20, 2026