ایران جنگ سے فضائی آپریشن سترہویں روز بھی معطل، ملک بھر سے 90 پروازیں منسوخ
گزشتہ 17 روز کے دوران پاکستان کے تمام ایئرپورٹس پر 1955 پروازیں منسوخ ہو چکی ہیں
-
ویب ڈیسک -
امریکا، اسرائیل اور ایران کے درمیان جاری جنگ کی وجہ سے لاہور ایئرپورٹ سمیت پاکستان کے مختلف ایئرپورٹس سے پروازوں کا شیڈول شدید متاثر ہو گیا ہے۔
ایئرپورٹ ذرائع کے مطابق ملک بھر کے ایئرپورٹس سے تقریباً 90 پروازیں منسوخ کر دی گئی ہیں جبکہ کویت، بحرین، یو اے ای، قطر، ایران اور عراق جانے اور آنے والی پروازیں بھی متاثر ہوئی ہیں۔
مزید پڑھیں: اسلام آباد ایئرپورٹ پر 17 مارچ کو فلائٹ آپریشن معطل رہے گا
ذرائع کے مطابق گزشتہ 17 روز کے دوران پاکستان کے تمام ایئرپورٹس پر پروازوں کی آمد و رفت شدید متاثر رہی اور اس عرصے میں مجموعی طور پر 1955 پروازیں منسوخ ہو چکی ہیں۔
غیر یقینی صورتحال کے پیش نظر کویت، قطر، بحرین اور ایران سمیت دیگر ممالک کے لیے ایک درجن سے زائد ملکی اور غیر ملکی ایئرلائنز نے بھی اپنی پروازیں عارضی طور پر منسوخ کر دی ہیں۔