ٹی ٹوئنٹی ورلڈ کپ کی بہترین ٹیم کا اعلان، کوئی پاکستانی کھلاڑی شامل نہیں

کرکٹ کی عالمی ویب سائٹ نے ٹی ٹوئنٹی ورلڈ کپ 2026 کے اختتام پر ٹورنامنٹ کی بہترین ٹیم کا اعلان کر دیا ہے، جس میں بھارت کے پانچ کھلاڑی شامل ہیں۔

یاد رہے کہ گزشتہ روز ہونے والے فائنل میں بھارت نے نیوزی لینڈ کو 96 رنز سے شکست دے کر ٹائٹل اپنے نام کیا تھا۔

ٹورنامنٹ کی بہترین ٹیم

1۔ سنجو سیمسن –  وکٹ کیپر، 5 میچز میں 321 رنز، تین نصف سنچریاں۔

2۔ ایڈن مارکرم – کپتان، 286 رنز۔

3۔ ایشان کشن – 317 رنز۔

4۔ شمرون ہیٹ مائر – 248 رنز۔

5۔ شیوم دوبے – 235 رنز اور 5 وکٹیں۔

6۔ ہاردک پانڈیا – 217 رنز اور 9 وکٹیں۔

7۔ ول جیکس – 226 رنز اور 9 وکٹیں۔

8۔ جیسن ہولڈر – 141 رنز اور 10 وکٹیں۔

9۔ عادل رشید – 13 وکٹیں۔

10۔ جسپریت بمراہ – 14 وکٹیں۔

11۔ لنگی نگیڈی – 12 وکٹیں۔

بارہواں کھلاڑی

بلیسنگ مزارابانی – 6 میچز میں 13 وکٹیں۔

ورلڈ کپ کی ٹیم میں کوئی پاکستانی کھلاڑی شامل نہیں ہے، البتہ صاحبزادہ فرحان کو متبادل کھلاڑیوں میں ضرور جگہ ملی ہے۔

متبادل کھلاڑیوں کی نمایاں کارکردگی

ورلڈ کپ کے دوران کئی کھلاڑیوں نے شاندار کارکردگی دکھائی، تاہم چند نمایاں کھلاڑی بہترین ٹیم میں جگہ نہ بنا سکے اور انہیں متبادل کھلاڑیوں میں شامل کیا گیا ہے۔

متبادل کھلاڑیوں میں صاحبزادہ فرحان، سکندر رضا اور شیڈلی وین شالک وِک شامل ہیں۔

پاکستان کے بلے باز صاحبزادہ فرحان ٹورنامنٹ میں اوپنرز کی سخت مقابلے کی دوڑ میں بہترین ٹیم میں جگہ بنانے کے قریب ترین رہے۔ انہوں نے ٹوئنٹی عالمی کپ میں 383 رنز بنا کر نیا ریکارڈ قائم کیا اور ایک ہی ایڈیشن میں دو سنچریاں بنانے والے پہلے کھلاڑی بھی بنے۔

زمبابوے کے آل راؤنڈر سکندر رضا نے گروپ مرحلے میں آسٹریلیا اور سری لنکا کے خلاف کامیابیوں میں اہم کردار ادا کیا اور بعد ازاں جنوبی افریقا کے خلاف بھی عمدہ آل راؤنڈ کارکردگی کے ساتھ ٹورنامنٹ کا اختتام کیا۔

امریکا کے فاسٹ باؤلر شیڈلی وین شالک وِک ٹورنامنٹ کے ابتدائی ہفتے کی نمایاں کہانیوں میں شامل رہے۔ انہوں نے بھارت کے خلاف 25 رنز دے کر 4 وکٹیں اور پاکستان کے خلاف بھی 25 رنز دے کر 4 وکٹیں حاصل کیں، جبکہ وہ فائنل اننگز تک سب سے زیادہ وکٹیں لینے والوں کی فہرست میں سرفہرست رہے۔