پی سی بی چیئرمین آئی سی سی کی دعوت پر کولمبو پہنچ گئے
پاکستان اور بھارت کے درمیان ہائی وولٹیج میچ کولمبو کے پریما داسا اسٹیڈیم میں کھیلا جائے گا،
-
ویب ڈیسک -
پاکستان کرکٹ بورڈ کے چیئرمین محسن رضا نقوی آئی سی سی کی دعوت پر کولمبو پہنچ گئے ہیں، جہاں وہ پاکستان اور بھارت کے درمیان اہم مقابلہ دیکھیں گے۔
چیئرمین پی سی بی کے ہمراہ بورڈ کے چیف آپریٹنگ آفیسر سمیر احمد سید اور پی ایس ایل کے چیف ایگزیکٹو آفیسر سلمان نصیر بھی موجود ہیں۔ اعلیٰ حکام کی آمد کو پاک بھارت ٹاکرے کے تناظر میں اہم قرار دیا جا رہا ہے۔
ذرائع کے مطابق محسن نقوی کی کولمبو میں قیام کے دوران پاکستان کرکٹ ٹیم سے ملاقات بھی متوقع ہے، جس میں ٹیم کی کارکردگی، ٹورنامنٹ کی تیاریوں اور دیگر پیشہ ورانہ امور پر تبادلہ خیال کیا جائے گا۔
یاد رہے کہ پاکستان اور بھارت کے درمیان ہائی وولٹیج میچ کولمبو کے پریما داسا اسٹیڈیم میں کھیلا جائے گا، جس کے لیے شائقین کرکٹ میں غیر معمولی جوش و خروش پایا جاتا ہے۔